Naam Tha Jas , Tha Apne Dil Ka Woh Raja,
Yaaron, Khushi Ka Din Hai Bazao Band Baaja,
Ho Raha Hai Ruksat Duniya Se Dekho,
Phir Uth Raha Hai Ik Aashiq Ka Janaza…

Mere Marne Ki Khabar Paa Ker Yaaron
Woh Meri Jaan Bhi Daudi Chali Aayegi,
Nahi Dekha Mujhe Kabhi Jin Nazron Se,
Un Aankhon Se Woh Aansoo Bahayegi…

Nahi Chali Kabhi Do Kadam Saath Mere,
Aaj Chal Rahi Woh Mere Janaze Ke Saath Hai,
Jis Haath Ko Thama Nahi Barson Mein,
Aaj Thama Hua Usne Woh Haath Hai…

Sadaa Jisne Jalaya Hai Mere Dil Ko Itna,
Aaj Dekho Use Mujhko Bhi Jalana Hai,
Nahi Nibha Payi Pyar Ki Kasmo Ko Kabhi,
Aaj Use Sab Rasmo (Kriya) Ko Nibhana Hai…

Mere Jalne Per Bhi Jinda Rahega Pyar,
Sirf Mera Shareer Hi Mitti Mein Mil Jaayega,
Fainkoge Jahan Us Mitti Ko,
Wahan Pyar Ka Koi Phool Khill Jaayega…

Rahoonga Hamesha Ek Ehsaas Banker,
Aur Uski Har Yaad Mein Bas Jaaunga,
Jis Jahan Se Nahi Aata Hai Waapis Koi,
Yaaron Us Jahan Se Mein Bhi Na Aaunga…